Тавтай морилно уу!

MIU” Олон Улсын Дээд Сургууль

“Эм Ай Ю” Дээд сургууль нь 2002 онд байгуулагдсан бөгөөд Олон улсын түвшинд өрсөлдөхүйц өндөр мэдлэг боловсролтой, чадварлаг, шилдэг удирдагчдыг бэлтгэн гаргах зорилготой ажиллаж байна. Байгуулагдсанаасаа хойш 10-аад жилийн хугацаанд Төв Азидаа англи хэл дээр өндөр боловсрол олгож буй дээд сургууль гэдгээрээ олны танил болжээ. Энэхүү эрдмийн их өргөөнд эдүгээ дэлхийн 7 орны 600 гаруй оюутан суралцаж байна.

Тус сургууль нь өвлийн амралтын аялал болон оюутан солилцооны хөтөлбөрөөр оюутнуудаа АНУ, БНСУ, БНХАУ руу аялуулан, тухайн улс оронтой танилцаж мэдлэг туршлагаа арвижуулах боломжийг олгодог. Түүнчлэн Mission Trip хөтөлбөрөөрөө алслагдсан орон нутагт амьдарч буй эмзэг бүлгийн хүмүүст тусалдаг.

Бид нийгмийн хөгжлөө дагаад орчин үеийн өндөр технологи, эрчим хүчний нөөц, байгаль орчин хамгаалал, хүнс судлалын чиглэлээр явуулсан судалгаа шинжилгээнд тулгуурлан сургалтаа явуулж XXI зууны удирдагчдыг бэлтгэсээр байна.

Мэргэжлийн чиглэл 
“Эм Ай Ю” Дээд сургууль нь

• Менежмент, Олон Улсын худалдаа, Бизнес,
• Компьютер программ хангамж,
• Биологи, биотехнологи,
• Багш, англи хэлний,
• Хувцас загвар,
• Олон улсын худалдаа,
• Интернэт бизнес,
• Cэргээгдэх эрчим хүч гэсэн 8 мэргэжлээр бакалаврын,
• Англи хэлний багш,
• Менежмент төрийн захиргаа

гэсэн чиглэлээр магистрын зэргийн сургалт явуулдаг.

Илгээх | 1378 хүн уншсан | Бичсэн: Тагшаа

Сэтгэгдэл бичих

Сэтгэгдэл (0) | :