Нэг Ангийнхан

Тавтай морилно уу!

Ангийнхандаа зориулав

2012-04-23, 09:44

Жиралд Грийний тухай сонирхолтой мэдээ

"Хэрэв би бөмбөг атгаж чаддаг байсан бол илүү олон, бас илүү гоё тохолтууд хийх байсан."

2005 оны 6-р сарын 28-ний өдөр. НБА-гийн драфтын 18-р байраар сонгогдсон Жералд Грийн тавцан руу алхаж байхдаа гараа халаасандаа хийж нуусан байв. Учир нь тэр 6-р ангид байхад тохиосон нэгэн золгүй явдлаас болж баруун гарын ядам хурууныхаа талыг алдсан юм. (Ээжийнхээ бөгжийг зүүгээд хаалганд байрлуулсан шийдэнд тохох гэж байхдаа, бөгж хадаасанд тээглэж тэр хуруугаа алдсан). 4 хуруунаасаа болж сургууль болон талбай дээр шооглуулж өссөн Грийн ийнхүү Драфтын өдөр гараа нуусан байжээ. Грийн: " Би үргэлж гараа нуудаг байсан. Энэ нь яваандаа рефлекс болж хувирсан. Одоо хүртэл би заримдаа өөрийн мэдэлгүй гараа нуучихсан байдаг. "

Хамгийн харамсалтай зүйл юу вэ гэвэл тэр 4 хуруунаасаа болж сагсны бөмбөг хэзээ ч атгаж чадахааргүй болсон. Хэдий 4 хуруутай ч Жералд Грийн бууж өгсөнгүйээ. НБА-д орж, мөн 2007 оны слэм-данкын аварга болж чадсан юм. Гайхалтай биш гэж үү?

" Хэрэв би бөмбөг атгаж чаддаг байсан бол илүү олон, бас илүү гоё тохолтууд хийх байсан даа." гэж Грийн хэлжээ. Ахлах сургуулиасаа шууд НБА-д орсон нь алдаа байж, НБА-д амжилттай дасан зохицож чадаагүй тэрээр энэ улиралд хөгжлийн лигээс Нью-Жерси Нетс багт 10 хоногийн гэрээтэй орж ирснээсээ хойш нэг тоглолтонд 13.1 оноо дунджилж, гайхалтай тохолт болон тоглолтуудаараа НБА-гийн хөгжөөн дэмжигчдийг гайхшруулж байна.